Euskal Autonomia Erkidegoan, eta umeek seguruenik eskolara itzultzeko gogo handirik edukiko ez duten arren, irailaren bigarren astean gaztetxoek motxila eta liburuak hartu eta eskolarako bidea egin beharko dute. Eusko Jaurlaritzak azaldu du oraingoz, behitzat, ez duela eskolara itzultzeko egutegia aldatuko. Hori horrela, gure ibarreko eskolek ere oraingoz, behintzat, aurrez finkatutako egutegia jarraituko dute.
Eusko Jaurlaritzako Osasun Sailburuak iragarri du A Gripeari aurre egiteko plan berezi bat garatu dutela eta 15.000 euro bideratuko dituztela plan horretara. Horrez gain, herritarrendako informaziorako telefono zenbaki bat ipiniko dute martxan. Gainera, Jaurlaritzatik azaldu dute informazio kanpainak egingo dituztela eskoletan guraso eta irakasleendako.