Anbulantzia Foruen Plazan egongo da ikusgai eta aurkezpen ekitaldia Oñatiko udaletxean egingo dute. Besteak beste, Edurne Egaña Gipuzkoako Lehendakaritzako diputatua; Mitxol Gonzalez Osakidetzako asistentzia sanitarioko zuzendaria eta Teresa Garmendia larrialdietako zuzendaria izango dira aurkezpenean. Era berean, Rafa Cerdan Osasun sailburuordea eta Debagoieneko alkateak gonbidatu dituzte ekitaldira.
Debagoienerako zerbitzua eskainiko duen anbulantzia Zubillagako suhiltzaileen parkean kokatuko dute. Izan ere, Oñatikoarekin eredu berri bat jarriko dute martxan, larrialdi irteeren portzentaje altu baten suhiltzaileek eta larrialdi zerbitzuek elkarrekin jarduten dutelako. Oñatikoa Gipuzkoako laugarren anbulantzia medikalizatua izango da: Donostian, Tolosan eta Elgoibarren dira besteak.
Anbulantziak 24 orduz emango du zerbitzua. Mediku batek, erizain batek eta gidari batek jardungo dute eta, txandaka, 15 lagunek emango dute zerbitzua aipatutako anbulantzian.