Ibarreko abereei ez diete oraingoz mingain urdinaren gaitzaren kontrako txertoa jarriko

Txertaketa nahi baino motelagoa doala onartu du Diputazioko Landa Ingurunearen Garapenerako departamentuak. Txertoa egiten duen laborategia gainezka dago eta beraz, ez dago abere guztiendako txertorik.

Iturri berak esan duenez, "horrek ez du esan nahi Gipuzkoako abere guztiei ez diegunik txertoa jarriko. Bada, ez gara txertoa eskatzen duen Autonomi Erkidego bakarra eta beraz, ez dago guztiondako". Txertaketa noiz hasiko den ez du aurreratu.


Orain arte 80.000 dosi jaso dira eta Donostialdean eta Oarsoaldeko abelburuei jartzen ari dira, han azaldu da-eta lehenengoz gaitza. Txertoak jasotzen diren heinean, gainontzeko eskualdeetako abereei jarriko zaie. Guztira, 165.00 ardi txertatuko dira. Behiei ere txertoa jarriko zaiela esan du Diputazioak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.