Ibarreko txokoak ezagutzeko aukera Aste Santuan

Debagoieneko turismo bulegoek eta museoek ordutegi berezia antolatu dute Aste Santuko jaiegunetarako, eta herriak gertu daude dagoeneko bisitariak hartzeko. Hala, bost informazio eta bisita gune izango dira: Eskoriatzan, Ibarraundi museoa; Leintz Gatzagan, gatz museoa eta Labidea denda; Bergaran, turismo bulegoa; eta Oñatin, turismo bulegoa eta Arantzazuko informazio gunea, Mankomunitatearena. Guztiak egongo dira zabalik jaiegunetan –apirilaren 5a, 6a, 8a, 9a eta 15a–, eta herri horietan guztietan izango da bisita gidatuak egiteko aukera.