Aipamen bereziak
Horrez gain, epaimahai ofizialak bi aipamen berezi egin ditu: dokumental onena Koldo Almandozen Ahate Pasa lana izan da; eta fikziozkoen sailean 5 Recuerdos (Oriana Alcaine eta Alejandra Marquez). Huhezinemako antolakuntzan ibilitako 12 ikasleek film labur onenari emandako saria ere banatu da, Beasain- Lazkaok jaso du, Jon Artola zuzendariarena.
Ikasleen lanak
Ikasleen lanei dagokienez, ikusleek SMS bitartez erabaki dute Hutsik eta H Positibo direla aurtengo azkeneko saridunak. Fikzioko sailean eta dokumental sailean hurrenez hurren.
Areto betea eta txalo zaparrada ederrak partaide eta irabazleentzat
Martitzenetik gaur arte jaialdian murgildu dira Ikus-entzunezko Komunikazioko ikasleak. Giro ezin hobea egon da fakultatean eta emanaldietan ikusle asko. “Txalo zaparrada ederrak jaso dituzte ikasleek”, adierazi digute unibertsitatekoek.
Lehenengo egunean 3. mailakoen dokumentalen txanda izan zen eta bigarrenean 4. mailakoen fikziozko lanak ikusi zituzten. Etxetik ikusteko aukera ere egon da, filmak asteon GOITBn eman dira-eta.