Hondakin legearen aldeko sinadurak bilduko dituzte gaur eta bihar

Errauskailuen aurkako plataformen erakundeak etxez etxeko zabor bilketa bultzatzeko herri ekimena jarri du martxan. Legebiltzarrak tramitera onartu du proposamena baina eztabaidatu ahal izateko 30.000 sinadura batu behar dituzte lau hilabetetan. Horren harira, Ezker Batua Berdeak sinadurak batuko ditu gaur Arrasateko Sebero Altube plazan, 18:30ean, eta bihar Oñatiko plazan ordu berean. 30.000 sinadurak biltzeko kanpaina 30ean bukatuko dute.

Legearen beharra

Etxez etxeko zabor bilketa bultzatu eta errauskailuak desagerrarazi nahi dituzte hondakinen  lege berriarekin. Behin eta berriz Kataluniako adibidea jartzen dute guztiek: han etxerik etxe jasotzen dute zaborra biztanleriaren gehiengoaren oniritziarekin.
Bestalde, sinadura batzeko ekimena abian jarri dutenek diote hondakinen tratamendua arautzeko legeak beharrezkoak direla, egun ez daude-eta. Gainera diote legeak bat egingo lukeela Foru Aldundiak bultzatzen duen jasangarritasun planarekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.