Esan behar da inbertsio hau Mankomunitateak egin duela dagoeneko; hortaz, aurreratutako diruaren gaineko dirulaguntza da.
Bigarrenik, ganadua eramateko ibilgailuak garbitzeko eta desinfektatzeko baliabideak hobetuko ditu Mankomunitateak; horretarako, 27.800 euroko aurrekontua dago, eta Aldundiak guztiz finantzatuko du. Eusko Jaurlaritzak dekretu bidez behartzen ditu hiltegi guztiak desinfekziorako baliabideak hobetzera.
Mankomunitateko arduradunen esanetan, lana aurreratuta dago: "Dagoeneko badaukaguna osatuko dugu, eta lan hori aurten egingo dugu. Beste hiltegi batzuek zerotik hasi behar dute".
Landa garapen elkartea
Dirulaguntza horiek Gipuzkoako nekazaritzari eta abeltzaintzari laguntzeko diru-sorta baten barne daude. Hala, Deba Garaia landa garapen elkarteak 242.368 euro jaso ditu bere jarduerarekin jarraitzeko.