Hilerriek ordutegi bereziak izango dituzte aste bukaeran

Zapatua Domu Santu eguna dela-eta, Debagoieneko herrietako hilerri gehienak egun osoan zehar zabalduko dituzte; hain zuzen ere, Oñatikoa, Leintz Gatzagakoa, Elgetakoa, Aretxabaletakoa, Eskoriatzako eta Aramaiokoa. Bestalde, Bergarako hilerria 08:00etatik 19:30era arte zabalduko dute zapatuan, eta 08:30etik 18:30era arte domekan. Arrasateko hilerria ohiko ordutegiarekin zabalduko dute: 09:00etatik 20:00etara arte.

Arrasaten herriko autobusek ezohiko ibilbide eta ordutegiak izango dituzte. Zapatuan, 10:00etan hasiko dira zerbitzua ematen, eta ordu erdian behin ibiliko da, 18:30era arte. Hilerritik jaisteko azken autobusa 19:00etan izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.