Bi azterketa abiaraziko dituzte herri bakoitzean; bata herritarren parte hartzearen gainekoa eta bestea politika publikoen ebaluazioaren gainekoa.
Arrasaten, Biteri plazaren erabilera birplanteatuko dute; eremu horretarako proiektua baloratu eta gauzatuko dute. Gaur egun esandako guneak dituen erabilerak, beharrak eta baldintzak aztertu dituzte. Horretaz aparte, kultura etxeko zerbitzua baloratu eta hobetzen saiatuko dira.
Oñatin, berriz, bidegorrien udal sarearen gaineko galdeketa egingo dute. Gainera, industria lurzorurako diren bi gune birkalifikatzearen inguruan iritzia jasoko dute herritarren artean.
Hamar herri
Esan bezala, Kudeatuz 2007-2011 proiektuaren barruan, hamar herritan abiaraziko dira datozen hamabi hilabeteotan ekimenak: Arrasaten, Ataunen, Azkoitian, Donostian, Eibarren, Hernanin, Hondarribian, Oñatin, Tolosan eta Zarautzen.
Ekimen horiek antolatzeko 100.000 euro jarriko ditu Diputazioak. Siadeco enpresa herritarren partaidetzako egitasmoen programak aztertzeaz arduratuko da; eta Gizakerrek, herritarren asebetetze maila ebaluatuko du.