Lanak orain hasi dituzte eta arduradunek aurreikusten dute datorren urteko irailerako lanak bukatuta egotea. Arrasateko Nafarroa etorbideko Zaldibar eraikinak hartuko ditu etorkizunean Debagoieneko Mankomunitatearen zerbitzu guztiak, hiltegia izan ezik.
Hiru solairuko eraikina
Aldaketa onerako izango delakoan daude arduradunak. Zerbitzu guztiak eraikin berean zentralizatzeaz gain eraikin berriak, irisgarritasuna eta erosotasuna bermatuko die herritarrei.
Eraikinak hiru solairu izango ditu. Beheko solairuan, Suradesa eta enpresa ekintzetarako zentroa eta Garapen Ekonomikorako bulegoak kokatuko dituzte. Lehenengo solairuan, egun Mankomunitateak Arrasate pasealekuan dituen bulegoak eta lanbide hastapeneko programetako tailer eta ikasgelak. Goiko solairuan, bilera gelak jarriko dituzte. Eraikinetik, gertu, gainera, aparkalekuak izango dira.