Eguraldiak eragindako kalteak
Arrasate
- Bedoña eta Gesalibar auzoak argi gabe daude atzo arratsaldetik
- Garaia poligono inguruan hodi bat apurtu da
- Erguin eskolan beheko solairuan ur asko sartu da
Bergara
- Haize bolada bortitzen ondorioz zuhaitz adar ugari dago errepidean.
- Ur potzu handiak ere sortu dira. Nabarmentzekoa Osintxuko irteeran dagoen ur potzu handia.
- Angiozarren lurra erori da errepidera. Beraz, kontu handiz gidatzeko aholkua eman du Udaltzaingoak.
Oñati
- Ekaitzaren ondorioz semaforoak ez dira ondo ibili. Dena den ez dute trafiko arazorik eragin eta arazoa konpoduta dago.
- Ibaietako ur maila nabarmen igo dela ere esan digute Udaltzaingoan.
Aretxabaleta
Udaltzaingoak esan digunez ez dago aparteko arazorik Aretxabaletan.
Eguraldi iragarpena
Haizeak gogor joko du gaur, martxoak 8. Atlantikotik sartu den ekaitz batek euri zaparrada gogorrak ere utziko dizkigu.
Elurraren maila 1.000 metrora jaitsi da.
Tenperaturak, gainera behera egingo du eta 10 graduren bueltan izango dugu. Dena den, bihar hobekuntza txiki bat izango da eta astebururako giro atseginagoa izango dugu.
Haizeteen gaineko gomendiok
Zuhaitzetatik urruntzeko eta ur kantitate handiak bil daitezkeen lekuetan ez ibiltzeko aholkatu dute.
Haize-bolada gogorrak daudenetan honako gomendioak eman ditu Babes Zibilak: Leiho, ateak eta kalera jausi daitezkeen objektu guztiak ondo bermatzea eta erlaitzetatik, arboletatik eta lanetan dauden eraikinetatik urruntzea, besteak beste.
Itsasbazterrean, hondartzara eta marearen gorabeheren eraginpean egon daitezkeen lekuetara ez hurbiltzea gomendatu du. Olatuekin ere kontuz ibiltzeko aholkatu du, gainera.
Errepidean gaudela, bidera eroritako objektuekin erne ibiltzeko eta euri-jasak dauden unean, ur kantitate handiak bil daitezkeen lekuetatik urruntzeko deia egin dute, azkenik.
Euri kantitatea
Datuak Bergarako San Juan auzoan jaso ditu Luis Mari Agirrek:1988ko uztailak 19 | 137 L/m2 |
1983ko abuztuak 26 | 133 L/m2 |
1993ko apirilak 25 | 101 L/m2 |
1993ko abenduak 25 | 100 L/m2 |
1991ko martxoak 24 | 98 L/m2 |
2007ko martxoak 8 | 94 L/m2 |