Gutxitasun fisikoa dutenen oporretarako izenematea zabalik, martxoaren 31ra arte

Gutxitasun fisiko edo sentsoriala duten pertsonendako oporrak gertu dituzte Foru Aldundiak eta Elkartu erakundeak. Interesatuek hiru bide dituzte izena emateko: Elkartu erakundearen egoitzan, 943 31 67 70 telefonoan edo elkartu@elkartu.org helbidean. Opor berezietan parte hartu gura dutenek gutxitasun fisikoa, sentsoriala edo organikoa izan beharko dute

200 plaza eta bost kokaleku

Foru Aldundiak 200 plaza jarriko ditu erabiltzeen eskura, eta Benidormen, Salouren, Londresen, Fuengirolaren eta Teneriferen artean aukeratu beharko dute. Toki bakoitzerako data eta prezio ezberdinak dituzte. Erabiltzaileak dituen diru-sarreren arabera, kostuaren %33, %50, %75 edo %100 ordaindu beharko du; hau da, 315 eta 1.500 euro artean. Aldiz, laguntzaileak bidaiaren kostuaren %5 bakarrik ordainduko luke. Erabiltzaileak bigarren laguntzailea beharko balu, bidaiaren kostu osoa ordaindu beharko luke.
Foru Aldundiak 290.000 euroko aurrekontua du 2009ko oporrei aurre egiteko. Iaz, gutxiasun fisiko edo sentsoriala duten 197 erabiltzaile egon ziren oporretan, 122 laguntzailerekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.