Ibilbidea, herriz herri
Martxoak 23, egubakoitza
23:35: Leintz-Gatzaga.
00:00: Eskoriatza (Marulanda).
Martxoak 24, zapatua
00:42: Aretxabaleta (Ederlan).
00:59: Arrasate (gasolindegia).
01:51: Oñati (San Prudentzio).
02:30: Oñati erdia.
03:23: Legazpi.
Martxoak 25, domeka
06:31: Antzuola (Deskarga).
07:10: Bergara (sarrera).
08:00: Elgeta (Ubera).
08:30: Elgeta-Elorrio muga.
Kontuan hartu behar dugu zapatutik domekarako gauean ordua aldatzen dela; 02:00etan 03:00ak izango dira. Hortaz, kontuz domeka goizean Antzuolan, Bergaran edo Elgetan parte hartu behar duzuenok.
53 kilometro, 110 bat erosle
Jakinekoa da erantzun ona izaten duela Euskal Herri osoan bi urtetik behin AEK koordinakundeak antolatutako Korrika ekimenak. Eta badirudi aurten ere halaxe gertatu dela. Izan ere, Debagoienean 53 kilometroko ibilbidea egingo du, guztira, Korrikak, eta 110 kilometro erosle daude gurean. Kilometro bakoitzari 380 euroko prezioa jarri diote, baina badago kopuru handiagoa ematen duenik ere, Korrikaren antolatzaileek azaldu digutenaren arabera.
Denerako erosleak
Euskararen alde 380 euro (edo gehiago) emateko prest dauden denerako erosleak daude Korrikak eman digun zerrendan, hala nola emakume taldeak, enpresak, elkarte gastronomikoak, kirol elkarteak, erretiratuak, abesbatzak, dantza taldeak, euskara elkarteak, alderdi politikoak, udalak, ikastetxeak, sindikatuak eta gazte asanbladak. Baita anonimoren bat edo beste ere.