Hemen duzue Gurasoak aldizkariko laugarren zenbakia. (pdf, 1,37mb)
Urtean apirilean, ekainean, urrian eta abenduan kaleratu da Gurasoak aldizkaria. 0 eta 18 urte bitarteko umeen gurasoen etxeetan banatuko da eta doakoa da. Guztira, 5.500 ale banatuko dira.
Gurasoak izeneko aldizkaria eskualdeko udalek bultzatutako proiektu berria da. Aurrez Arrasaten eta Bergaran argitaratu izan diren Gertutik eta Aurrera Begira aldizkariak osatzera dator, eta eskualde osora zabalduko da.
Gurasoak aldizkaria
Proiektu honekin prebentzioaren arloan pauso bat gehiago eman nahi
da. Gurasoak aldizkariak seme-alaben heziketan lagungarria izan
daitekeen informazioa helarazi nahi die gurasoei, besteak beste,
garapen pertsonala sustatzeko gaiak, edo gurasoen hezitzaile lanean
eraginkorrak izateko baliagarriak izan daitezkeen hainbat estrategia.
Aldi berean, gurasoen partaidetzari ateak ireki nahi zaizkie.
Seme-alaben heziketaren gainean izan ditzaketen zalantzak eta kezkak
argitzeko tresna erabilgarria izatea da helburua.
Gurasoak aldizkaria 0-18 urte bitarteko seme-alabak
dituzuen gurasoei zuzenduta dago. Informazioa hiru adin-tartetan
banatuta dago: 0-5 urte, 6-11 urte eta 12-18 urte. Horretaz aparte,
honako atalak ditu: prebentziorako materialari buruzko aipamenak,
gurasoen galderak (horretarako posta elektronikoa dago), adituei
egindako elkarrizketak, bailarako udaletan gurasoentzat antolatuta
dauden ekintzak eta, bukatzeko, gogoetarako gai orokor bat.
Gurasoak aldizkaria bultzatu duten udalak dira: Antzuola, Aretxabaleta, Arrasate, Bergara, Elgeta, Eskoriatza, Leintz Gatzaga eta Aramaio.