Horretarako, norbere herriko osasun zentroan txanda hartu behar dute. Bestalde, Arrasaten dagoeneko jakinarazi dute nagusien egoitzetan eta auzoetako alkatetza lokaletan egongo direla urriaren 1etik 5era bitartean, txandaka. Helburua da gutxienez 65 urtetik gorakoen %70 txertatzea; iaz, %69 txertatu zuten.
Zaintzaileek ere bai
Gipuzkoa Mendebalde osasun zonaldean sartzen da Debagoiena. Zonalde horretarako gripe kanpainaren arduradun Arantxa Urruzolak dioenez, aurten 48.500 txerto banatu dituzte dagoeneko zonalde horretan, batzuk herritarrendako eta beste batzuk zaintzaileendako, eta iazko birus berberean oinarrituta egin dituzte aurtengo txertook.