Gripea infekzio-gaixotasuna dela eta edonork harrapa dezakeela azaldu dute medikuek. Horregatik, arrisku taldean dudenei txertatzeko gomendioa egin die Osakidetzak. Arrisku taldeetan daude: 65 urtetik gorakoak, diabetikoak eta gaixo kronikoak. Azken talde horretan, alegia, gaixo kronikoen artean, biriketako, bihotzeko, gibeleko eta giltzurruneko gaixotasunak dituztenak daude.
Ohiko legez, haurdun dauden emakumeei ere egin die Osakidetzak txertoa hartzeko deia; izan ere, haurdunaldiaren bigarren aldia da arriskutsuena eta komeni da 3-4 hilabeteko haurdunaldian gripearen aurkako txertoa hartzea.
Aipatutako arrisku-talde batekoa izan ezean, ohiko medikuarengana joan behar da txertoa hartzeko txartela eskuratzeko. Guztira, 11.500 txerto emango dituzte Debagoienean.
Kanpaina hasi berri dute eta azaldu digutenez, jende ugari gerturatu da dagoeneko.