ELA, LAB, UGT ETA ESK sindikatuek egin dute egun osoko greba deialdia Arabako, Gipuzkoako eta Bizkaiko osasun zentro publikoetarako. CCOOek aste honetan esan du ez duela greba babestuko eta gauza bera adierazi zuen atzo SAEk. SATSE eta UTESE sindikatuek ere aurreko greba deialdian bezalaxe, oraingoan ere ez dute lanuztea egingo.
Greba deitu duten sindikatuek azaldu dute , lan gatazka osasun sektoreareko funtsezko arazoak erabat konpondu arte luzatuko dela eta negoziatzen jarraitzeko daukaten borondatea berretsi dute. Gainontzeko sindikatuen jarrera ere kritikatu dute. Euren ahultasun sindikala agerian utzi duen erabaki horren zergatiak azaldu beharko dituztela azaldu dute.
Eusko Jaurlaritzak gutxieneko zerbitzuak ezarri ditu gaurko. Larrialdi zerbitzuetan normaltasunez egin dute lan; erietxeetan jai egunetan izan ohi diren langileak jardun dute lanean eta anbulatorioetan larunbatetako langile kopuru berdinak egin du lan. Dialisi zerbitzuak eta onkologia tratamenduak mantendu egin dira.