Arrasaten, Aretxabaletan, Eskoriatzan eta Gatzagan Goiena Telebista Lurreko Telebista Digitalaren bitartez ikus dezakete. Telebista edota antena horretarako egokituta baldin badituzte, behintzat. Aramaion ere ikus dezakete telebista-seinalea Murutik jasotzen duten etxeetan. Gainontzekoetan oraindik ez. Izan ere, Aramaioren kasuan Goiena Telebista herri guztian modu digitalean ikusi ahal izateko Gureiako dorrean ekipo digital berriak ipini beharko dira.
Lurreko Telebista Digitala ikusi ahal izateko deskodetzailea izanez gero 52. kanalean aurkituko duzue Goiena Telebista. Sintonizatzeko probak egin eta Goiena Telebista aurkitzen ez baduzue tekniko batekin ipini beharko zarete harremanetan, arazoa konpondu dezan, eta antenan beharrezko egokitzapenak egin ditzan.
Martxoan Bergaran
Datozen egunetan, apurka-apurka Goiena Telebistaren seinale Digitala Debagoieneko gainontzeko herrietara iristen joango da. Helburua da prozesua ahalik eta azkarren bukatzea eta Goiena Telebista laster Debagoiena osoan Lurreko Telebista Digitalaren bitartez ikusi ahal izatea. Bergaran ari dira dagoeneko ekipoak prestatzen eta martxoan ikusi ahal izango dute digitalean GOITB.