GOITB digitalean
Bat baino gehiago izan dira azken ikasturtean Goiena Komunikazio zerbitzuek gainditu dituzten erronkak. Goiena telebistaren hedapen digitala gauzatu da aurten, eta barrutian egon ala ez, Ibarreko herri guztietara heltzen da dagoeneko seinale digitala. 2025a arte legez emititzeko baimena eman dio honek GOITBri, eta egindako inbertsioak, merezi izan du.
Kluba
Ikasturte honetan abiarazitako beste ekimen bat, Goienako irakurle zein ikus-entzuleen bazkide kluba izan da. Estepan Plazaola Goienako lehendakariaren esanetan emaitza onak eman ditu, eta berau indartzen jarraitzea da asmoa.
10. urteurrena
Hamar urte bete dituzte aurten Goiena Komunikazio Zerbitzuek: egindakoa errepasatu, eta orain arte bidelagun izandako guztiei eskerrak emateko garaia. Baita forma zein edukietan moldaketa garrantzitsuak egitekoa ere, batez ere interneten esparruan. Datozen hilabeteotan nabarituko dituzte horiek guztiak Goienaren erabiltzaileek.
Egoitza berria
Egoitza berri baten bila
ari gara Goienako zerbitzu guztiak bateratuko dituen egoitzaren bila, hain zuzen. GOIENArentzat aukera bikaina dago Mondragon Unibertsitateko ikus-entzunezkoen adarrarekin bat egin eta egoitza bera konpartitzeko.
Aukera hori lantzen ari gara eta erabakia hartzeko momentua geroz eta
gertuago daukagu. Ez da erraza izango, baina uste dugu ekonomikoki posible
dela horrelako erronka bati aurre egitea, nahiz eta egoera ekonomiko
onenean ez gauden.
Proiektu hauen guztien eta iaz lortutako emaitzen berri jaso zuten atzo egindako batzar orokorrean Goienako lan bazkideek, euskara elkarteek eta udalek, eta aurtengo aurrekontuak ere onartu zituzten.