Goiena Komunikazio Zerbitzuak kooperatibak bere estilo liburua aurkeztu du taldeko bazkide eta langileen artean. Kazetari eta langileentzat gida izango den liburua, Goienaren barru-erabilerarako izango da, oraingoz behintzat.
Goienako kazetariek idazterako orduan zein irizpide erabiliko dituzten zehazten ditu eta idazkeraren, maketazioaren eta hizkuntzaren gaineko arau, oinarri eta irizpide batzuk finkatzen ditu.
Goiena Komunikazio Zerbitzuak kooperatiba multimedia enpresa bat izanik, estilo liburuak ere multimedia ikuspegia duela dio Goienako Eduki zuzendari Eneko Azkaratek.
Idazterako orduan erabiliko diren irizpide hauek kazetarien sormen lana ez dutela baldintzatuko ere badio Azkaratek. Izan ere, estilo liburuak jokamoldearekin eta egiteko moduarekin lotutako arau batzuk finkatzen ditu eta sormen lana, kazetariaren esku gelditzen da.
Hizkuntza arloan zehaztu dituzten irizpideetaz ere hitz egin du Azkaratek.
Hala ere, hedabide bakoitzak bere ezaugarriak dituela ere badio, eta egoeraren arabera euskalkiak ere erabiliko dira.
Goienako eduki arduradun Eneko Azkaratek uste du Goienari batasun itxura bat emango diola Estilo liburu honek.
Amaitzeko aipatu, Goienaren helburu, misio edota arau batzuk ere markatzen dituela eta hala, nolabait, Goiena Komunikazio Zerbitzuak kooperatibaren linea editoriala ere markatzen duela. Gaineratu du, estilo liburua barrurako egindako produktua dela eta langile guztiek aintzat hartu beharko dutela bertan jasotzen dena.