Giza Eskubideen Aldarrikapen Unibertsalaren 60. urteurrena dela-eta, Baketik Zentroak egindako Euskal konpromisoa giza eskubideen alde agiriaren aurkezpen ekitaldia egingo dute zapatuan, urriak 11, Arantzazun. Hain zuzen ere, Bakearen Nobel Sari Rigoberta Menchuk eta Nazio Batuen Giza Eskubideetarako goi mandatari Elio Tamburik jasoko dute agiria Juan Jose Ibarretxe lehendakariaren eskutik. Ekitaldia 11:00etan hasiko da Arantzazuko Santutegian.
Ekimen honekin Euskal Gobernuak bat egiten du Nazio Batuen Erakundeko (ONU) idazkari orokor Ban Kimoonek hasitako Duintasuna eta justizia guztiondako kanpainarekin. Ekainean 630.000 ale banatu zituzten etxerik etxe, eta orain, haurrendako 73.000 eta nerabeendako 127.000 inprimaki argitaratuko dituzte. Bestalde, Giza Eskubideen Aldarrikapen Unibertsalaren 60. urteurreneko ekitaldien barruan, Euskal Gobernuko Giza Eskubideen zuzendari Jon Landak eta Baketik-ek idatzitako El compromiso vasco con los derechos humanos liburua argitaratu dute. Liburuari babesa eman diote, besteak beste, Mikel Laboak, Bernardo Atxagak, Anjel Lertxundik eta Gorka Landaburuk.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak