Materiala jasotzeko, materiala aurrez tratatzeko eta behin betikoz biltegiratzeko guneak ditu zentroak. Gainera, isolamenduari eta lokalaren klimatizazioari arreta berezia jarri diote.
Lezetxikiko aztarnak
Biltegian dagoen historiaurreko material zaharrenetarikoa Arrasateko Lezetxiki koban aurkitutako Neanderthal espezieko emakume baten besahezurra da. Paleontologiaren esparruan, azpimarratzekoa da Arrikrutz Kobako lehoia.
Arkeologoak ez daude gustura
Aranzadi elkarteko Alvaro Arrizabalagak esan digu biltegia eraikitzeko prozesua ez dela parte-hartzailea izan eta arkeologoen iritzia ez dutela kontuan hartu. Eusko Jaurlaritzak ez duela Aranzadirekin harremanik eta egoera hau ezin dela errepikatu gaineratu du.