Gipuzkoako Diputazioa ere hiltegietan partaidetza publikoaren alde

Rafa Uribarrenek, Landa Ingurunearen Garapeneko diputatuak adierazi du Gipuzkoako Aldundia "aspaldi" dabilela lanean partaidetza publikoaren ikuspuntuarekin. "Saiatu behar gara lau hiltegien kudeaketa bateratura iristen", adierazi du. Datua ere eman du: "EHNEk dioen moduan, animalien %70 kanpotik dator eta gehiena bizirik. Bizirik datorrena Gipuzkoako hiltegietan hiltzen dira eta ateratzen duten zigilua da bertako zigilua. Nahastuta joaten da gure haragiarekin gure harategietara".

Uribarrenek adierazi du kanpoko haragia harategietara gure haragiarekin nahastuta joaten bada, ez dela "horren erraza" jakitea "bertakoa den edo kanpokoa". Eta horretxegatik uste du babes publikoa beharrezkoa dela, "baserritarren kudeaketarekin batera, ondo identifikatuta joan dadin zer den kanpokoa eta zer bertakoa".

Kudeaketa bakarra

Zera ere gaineratu du: Gipuzkoako Foru Aldundia "aspaldi" dabilela partaidetza publikoaren ikuspuntuarekin lanean. "Saiatu behar gara lau hiltegien kudeaketa bateratura iristen. Zaila izango da, baina horrek arrazionaltasun batera eramango gaitu, eta eskaintza hori modu errazagoan egitera, Gipuzkoako komertzial baten bitartez".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.