Gipuzkoako Artzain txakur txapelketako irabazlea, aldiz, Juan Jose Arrizabalaga elgoibartarra, Azkar, txakurrarekin dugu.
Jesus Mari Plazaola gustura azaldu zen Gure txakurrarekin egindako lanarekin. "Azken orduan hartu dut parte-hartzeko erabakia eta hobetu daitekeen arren, pozik nago egindako lanarekin. Lasai hartuko dut eta hurrengo txapelketa batetara aurkeztuko naizen aurrerago erabakiko dut". Arrasatearrak behin baino gehiagotan jantzi du txapela Legazpiko Artzain Txakur Txapelketan, baita Oñatiko Nazioarteko txapelketan ere.
Migel Arregi Arantzazuko artzainak, orain 40 urte Katalunian txapela jantzi zuen. Orain berriro hasi dela txakurrarekin lanean azaldu zigun Arregik: "Txakurrarekin lanean nabil. Hasi berria da eta ez dago txapelketetara ohituta. Dena ondo bidean badoa, aurrerago bestelako txapelketetara ere aurkeztuko gara".
Jose Luis Madinabeitia oñatiarrak txapelketetan maila paregabea erakusten du. Ez zuen zorterik izan ordea Legazpikoan. "Txakurra zeloan daukat eta aztoratuta egon da. Egin duen beroarekin ere ez gara oso fin ibili. Pena, baina ea hurrengoa hobetzen dugun".
Ondorengo astetan, Euskal Herriko Artzain Txakur Txapelketa jokatuko da Atxondon, Bizkaian. Oñatin, berriz, Nazioarteko txapelketan, onenak lehiatuko dira hilaren 26an.