Zaintza eta kontzientziazio kanpaina berezi honen bidez, gidatzean sakelakoak, arreta txikitu eta, ondorioz, istripua izateko arriskua handitu egiten dela ohartarazi nahi dute.
Ekimen honi esker, gidari askoren ohitura hori, gehiago zainduko da eta kontzientziatzeko mezuak ugarituko dira. Horiekin, poltsikoko telefonoz hitz egiteak dituen arriskuak azpimarratuko dira:
- Istripua izateko arriskua 9 aldiz handiagoa da.
- Trafiko-seinaleen ia erdiak ez ikustea eragiten du.
- 120 km/h-ko abiaduran 100 metro kontrolik gabe egitea dakar.
Patruilak eta kamuflatutako autoak
Ertzaintzak, ohiko patruilak ez ezik, kamuflatutako autoak ere erabiliko ditu kanpainan zehar horrelako arau-hausteak antzemateko. Horrez gainera, udaltzaingoak ere zenbait kontrol jarriko ditu herriguneko kale eta errepideetan.