Debagoieneko autoeskola baten eskaerari jarraituz hasi ziren Mankomuniteatean proiektuarekin, eta hala, ibarreko zentroekin ez ezik, jardun honetan urtetako esperientzia duen Igorreko Arratia autoeskolarekin elkarlanean landu dute materiala. Aeol enpresa arduratu da guztia jasotzeaz.
Mankomunitateak orain sentsibilizazio kanpaina jarriko du martxan ikasleen artean euskarazko materialaren eskaera handitzeko. Iragarri dute, era berean, dirulaguntza lerroak ere bideratuko dituztela autoeskolendako. Aeol enpresak, gainera, konpromisoa hartu du aurrerago egin daitezkeen eguneraketak euskaraz ere jartzeko.
Mankomunitateak nahi duten autoeskolei emango die euskarazko material hori. Ikasleek, beraz, autoeskoletan topatuko dute materiala.