Azken urteetan ika-mika handia egon da Getaria inguruan eta Gipuzkoako beste hainbat lekutan txakolina egiten dutenen artean. Izan ere, Getarian, Zarautzen eta Aian egiten diren ardoek 'Getariako Txakolina' jatorrizko deitura dute, baina, Hondarribian, Oñatin, Arrasaten edo Zumaian egiten direnek ez dute inongo izendapenik. Azkenean, heldu da akordioa eta 'Getariako Txakolina' jatorri izenaren eremua Gipuzkoako udalerri guztietara zabalduko da. Herenegun heldu ziren akordiora alde guztiak eta atzo eman zuten jakitera.