Markako botiken ordez generikoak errezetatzen hasiak dira dagoeneko
Osakidetzako medikuak Eusko Jaurlaritzaren aginduz. Espainiako Gobernuak botiken prezioa murrizteko hartutako erabakiaren ondotik eman du jakitera Jaurlaritzak neurri berria. Espainiako farmazia industriak, berriz, epaitegietara eramango du Jaurlaritza generikoak bultzatzeagatik. Arrasateko Azkoaga farmaziako Marian Zabartek eman digu bere iritzia.
Osasun gastua murrizteko helburuarekin, gaixotasun kronikoetarako errezetatzen diren lau botika zehatzen kasuan, generikoen aldeko hautua egiteko agindu die Jaurlaritzak Osakidetzako medikuei. Markako sendagaiak eskainiz gero, euren erabakien arrazoiak eman beharko dizkiete Osakidetzari.
Farmaindustria Farmazia Industriako Enpresaburuen Espainiako Elkarteak epaitegietara eramango du Osasun saila. Elkartearen arabera, Osakidetzaren aginduak hainbat botikarako sarbidea galarazi eta joko arauak erabat aldatzen ditu. Osakidetzak, berriz, bide horretan jarraitzeko asmoa adierazi du.
Generikoak sustatuta sei milioi euro inguru aurreztea espero du Jaurlaritzak. Farmazialariek, baina, salatzen dute horrelako neurriak oztopo direla farmazia industriak ikertzen jarraitu ahal izateko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak