14-17 urteko gazteak
Euskonews Gazteak badu beste agerkari batzuekin bereizten duen ezaugarria: Euskal Herriko eskoletako neska-mutikoek egindako lanekin publikatutako astekari elektronikoa dela. "Ikastetxeen aldetik erantzun handia izan dugu. 40 ikastetxe baino gehiagok ireki dizkigute ikasgeletako ateak. 14-17 urte arteko neska-mutikoek eta euren irakasleek kazetaritzaren oinarrizko kontzeptuak ikasi eta maketazio lana egiten ikasi dute, besteak beste", dio Euskonews Gazteako zuzendari Zuriñe Velez De Mendizabalek. Eskoletako gazteen antzera, agerkarian parte hartu gura duten guztiek ateak zabalik dituzte, http://gaztea.euskonews.com helbidean.
Eusko Ikaskuntzara hurbildu
Bi urte bete dira Euskonews Gaztea sortu zutela. Helburu nagusi zen gazteak Eusko Ikaskuntzara hurbiltzea. "Eusko Ikaskuntzak 90 urte ditu, baina tradizio handikoa izan arren, gazteendako erakunde arrotza zela konturatu ginen, eta eurek erakartzeko formato bereziko agerkaria sortzea erabaki genuen. Hortaz, Eusko Ikaskuntzaren proiektua eta Euskonews astekariaren ahizpa txikia dela esango nuke", diote.