Gaurtik izena eman daiteke Izeba proiektuan

Gaurtik, eguaztena, Izeba proiektuan izena eman dezakete adin txikiko atzerritarren osaba-izeba izan nahi duten pertsona eta familia boluntarioek. Proiektuaren ardatza da bakarrik dauden adin txikiko atzerritarren osaba-izeba boluntarioen sarea sortzea Gipuzkoan. Datorren astean, azaroaren 18an, proiektuaren gaineko hitzaldi informatiboa egingo da Arrasaten.

Bakarrik dauden adin txikiko atzerritarren (BDAA) harrerako osaba/izebak izateko eta haiei gizarteratzen laguntzeko prest dauden pertsona- edo familia-sarea da Izeba proiektua. Erreferentzia- eta laguntza-familia horien eginkizuna hau da: ikasketak direla-eta, adibidez, gurasoengandik urruti bizi den iloba batengandik hurbil bizi den osaba/izeba batenaren antzekoa. Gipuzkoako Foru Aldundiko Gizarte Politika Departamentuak eta Arantzazuko Baketik zentroak elkarrekin izenpetutako hitzarmenak abiarazten eta garatzen du ekimen hau.

Izena emateko, jo ezazue Izeba.org webgunera.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.