Atzo, eguaztena, Huhezi fakultateko Ikus-Entzunezko Komunikazioko 4. mailakoen fikziozko film laburrak ikusteko aukera izan zen Areto Nagusian. Publikoa gustura gelditu zela zirudien, txaloak behintzat entzun ziren-eta.
Ondoren, 15 bat minutuko atsedentxo baten ondoren, Pendejo eta Gorrotxatepek film laur egileen esperientzia izan zen entzungai. Istorio eta pasadizo ugari kontatu zituzten, 3 eurorekin film labur bat nola egin azaldu zuten-eta.
Sail ofiziala eta sari banaketa
Gaur, eguena, lehiaketa ofizialeko 10 film laburrak ikusteko aukera izango da.Aukeraturiko film laburren egileek 400 euro jasoko dituzte sail ofizialean parte hartzeagatik eta lan finalistak gaur proiektatuko dira Aretxabaletako Arkupe kultura etxean.
Emanaldiak arratsaldeko 18:00etan hasi eta 20:00k arte izango dira. Ondoren ikuskizun bat eta sari banaketa izango dira. Bertaratutakoek luntx batetaz gozatzeko aukera ere izango dute.