Garzonen erabakiari atzerapusu irizten diote Frankismoaren biktimen aldeko elkarteek

Frankismoaren krimenak aztertzen dituen auzia ikertzen jarraitzeari laga egin dio Baltasar Garzon epaileak. Erantzukizun penalak eskatzeko zeinengana jo ez dagoela argudiatu du epaileak, erantzule guztiak -tartean Francisco Franco diktadorea- hilda daudelako. Erabaki horrekin ez daude batere konforme frankismoak eragindako biktimen aldeko elkarteak, tartean, Debagoieneko Fusilatuen senide eta lagunen elkarteak aditzera eman du Garzonen erabaki hori atzerapausoa dela eta mobilizazioekin segitu beharko dutela.

Delituak ez direla baliogabe geratu berretsi du epaileak, gizateriaren aurkako delituen ondorio juridikoak gaur egun arte iristen direlako. Hori horrela, Garzonek lurraldeetako auzitegien esku utzi du auziarekin jarraitzeko aukera, besteak beste, hobietan indusketak egiteko.

Juan Ramon Garaik gaineratu du hasieratik zituztela prozesu horren gaineko zalantzak; eta salatu du atzera ere inpunitatea garaile atera dela, "73 urte iraun duen inpunitatea". Eta gogora ekarri du erabaki horren atzetik Espainiako Gobernu zentrala dagoela. Bukatzeko, Debagoieneko Fusilatuen senide eta lagunen elkarteko ordezkariak aldarrikatu du frankismoaren kontrako prozesuan aurrera egiteko, beharrezkoa dela borondate politikoa eta alderdi politikoen inplikazioa eskatu du:

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.