Aittor Arantzabal, Mikel Garaiondo eta Mikel Zubimendi bergararrak preso daude. 2008ko otsailean atxilotu zituzten Arantzabal eta Garaiondo eta espetxera bidali zituen Garzonek.
Mikel Zubimendi 2007ko urrian bidali zuen kartzelara Garzonek, Batasunaren Mahai Nazionaleko beste 16 kiderekin batera.
Ino Galparsoro, berriz, 2008ko apirilean atxilotu eta kartzeleratu zuten, Baltasar Garzon Espainiako Auzitegi Nazionaleko epailearen aurrean deklaratzera joan zenean. Uztailean aske utzi zuten.
Apirilean, deklaratzera
Guztira, 44 auziperatu ditu Garzonek eta apirilaren 13tik 20ra deitu ditu deklaratzera. GOIENA Arrasateko alkateorde Oihana Aranbururekin harremanetan ipini da eta hark jakinarazi du ez dutela kontu honen gaineko jakinarazpenik izan. Orain dela urtebete ezker abertzaleko beste 41 lagun auzipetu zituen Garzonek herriko tabernen auzian; haien artean, Arnaldo Otegi.