Franco dagoeneko ez da ohorezko alkate Eskoriatzan eta Elgetan

Orain arte Franco ohorezko alkate izan da Debagoieneko hiru herritan. Joan den astean egindako osoko bilkuretan izendapen hori indargabetu zuten Eskoriatzan eta Elgetan. Jakina denez, Arrasaten ere erabaki bera hartu dute.

Eskoriatzan aho batez onartu zuten izendapena baliogabetzea joan den eguenean egindako osoko bilkuran izandako zortzi zinegotziek.

Ezker Batua-Berdeak taldeak eskatuta hartu zuten esandako erabakia. 1949tik zen Francisco Franco diktadorea Eskoriatzako ohorezko alkate; urte hartako abuztuaren 22an, Laureano Uribarren Altuna alkate zuen udal korporazioak hartu zuen erabaki hori.

Elgetan ere 1949an izendatu zuten ohorezko alkate. Joan den asteko osoko bilkuran indargabetu egin zuten izendapen hori.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.