Debagoieneko Mankomunitateak lan eta komunikazio formatu irekiak erabiltzea erabaki du: ODF eta PDF formatuak. Hauek kudeatzeko Software librea instalatuko du (Openoffice.org) eta euskara plana betez euskarazko bertsioak ezarriko dituzte, langileak idatziz kontrakoa eskatzen ez badu. Firefox nabigatzailea erabiltzea erabaki dute, euskaraz aritzeko gehigarri lagungarriak instalatuz (Euskalbar eta Xuxen).
2008ko urria amaieran hasi zen prozesua eta eskaera formala azaroan egin zuten Arrasate, Bergara eta Oñatiko udaletako eta Debagoieneko Mankomunitateko 50 langilek.
Hala, uztailaren 10ean egindako pertsonal batzordean onartu zuten:
- Irailerako ordenagailu guztietan OpenOffice.org 3.1 aplikazio ofimatikoa instalatu.
- Irailerako denei, Firefox 3.5 nabigatzailea, zuzentzaile ortografikoaz eta Euskalbar gehigarriaz instalatu.
- 2010eko udaberrian ezinbestez eduki behar ez diren MS office aplikazioak desinstalatu.
Librezale.org foroan duzue
onartutako testu osoa.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
