Etzi, eguaztena, hasiko da BECen 2009ko Ferroforma/Practical World azoka, burdindegi eta brikolajeari buruzko nazioarteko azoka, hain zuzen ere, eta martxoaren 28ra arte iraungo du.
Azoka hori urteko garrantzitsuena da burdindegi, industri hornikuntza eta brikolaje sektoreendako. Hala, guztira Europako 27 herrialdetako 776 enpresa izango dira bertan parte hartzen –%65 atzerritarrak –. Enpresa horiek guztiek beraien produktuak erakutsiko dituzte beste bost kontinenteetako erosleen aurrean.
Debagoiendarrak tartean
Parte hartuko duten 27 herrialdeetako batzuk dira Alemania, Italia, Frantzia, Erresuma Batua, Portugal eta India, besteak beste. Standetan egongo diren herrialdeek eta mundu osotik etorriko diren erosleek ziurtatzen dute azokaren etorkizuna. Debagoienetik ere hainbat enpresa joango dira Aretxabaleta, Arrasate eta Bergaratik.
Enpresa Herria
Sistemas Valle Leniz S.L.U. Aretxabaleta
Alejandro Altuna S.A. Arrasate
Talleres Aga S.A. Arrasate
Cotones Aguirrezabal S.A. Bergara
Goizper Kooperatiba Elkartea Antzuola/Bergara
Jose Maria Gallastegui Y Cia S.A Arrasate
Feliciano Aranzabal S.A. Arrasate
Iturria: FERROFORMA