Sahararen aldeko Nubi elkarteak batzar informatiboa egin du. Tindoufeko kanpalekuetan bizi diren ume sahararrak etxean hartzeko familiak behar dituzte. Agurne Juldain arduradunak adierazi du, oraingoz, guraso gutxik eman duela izena Arrasaten, Oñatin eta Eskoriatzan: "Eskoriatzan, hiruk eman dute; Arrasaten, bik, eta Oñatin, bakarrak baino ez".
Nubiko Agurne Juldainek familiei galdetzeko beldurrik ez izateko eskatzen die. Azaltzen duenez, sarri ez galdetzearren botatzen dira atzera familiak eta haurrei egiten zaien mesedea oso handia dela. Informazioa gura dutenek elkartera edo udaletxera bertara joan daitezke.
Bederatzi ume
Hauxe ere gaineratu du Juldainek: "Oraingoz, zortzi ume datoz, iaz ere etorri zirenak. Espero dugu iazko familia berek hartuko dituztela. Horrez gainera, ume batek, Salma Cheijak, azterketa medikua dauka, eta etorri beharra du, nahiz eta zerrendan egon ez. Beraz, hura ere etorriko dela espero dugu".
Edozelan ere, bederatzi ume horiek baino gehiago ekartzea espero du Nubik, eta horregatik behar dituzte familia gehiago.
Umeendako osasungarri
Haur sahararrentzat garrantzitsua da udan bertara etorri ahal izatea. Epe horretan mediku azterketak egin, hobeto elikatu eta hango bero izugarritik ihes egin dezakete.
Informazioa
Informazioa emateko gertu daude Nubin edota Udalera bertara ere jo daiteke.
Eskoriatza, Arrasate eta Oñati (Nubi elkartea): 685 724 816, 685 724 817 edo 685 724 818.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak