Basque Culinaryko zuzendari eta Mondragon Unibertsitateko errektoreorde Joxe Mari Aizegak eta Fagor Taldeko zuzendari nagusi Txema Gisasolak gaur sinatu dute hitzarmena Donostian. Hitzarmen horrek lau urteko iraupena izango du eta 2010eko urtarrilaren 1etik aurrera egongo da indarrean. Hala, Fagor Taldea izan da lehena Basque Culinary Center Fundazioaren patronatuan sartzen. Bi erakundeek ikerketak, proiektuak eta Ikerkuntza eta Garapeneko programak bultzatu eta unibertsitatearen eta enpresaren arteko teknologia-transferentzia sustatuko dute
Fagor Taldeak lotura historikoa izan du sukaldaritzarekin. Hala, adibidez, Karlos Argiñanorekin izandako harremanaren ondorioa izan zen goi-sukaldaritzaren demokratizazioa eta dieta mediterraneoan oinarritutako dieta osasungarria sustatzea. Konpromiso horri eutsita, Fagor Taldeak
Basque Culinary Center
ren parte hartzea erabaki du, abangoardiako sukaldaritza ere ildo horretatik baitoa.
Fagor Taldeak bere produktuak jarriko ditu Basque Culinary Centerren instalazioetan eta ikerkuntzan lagunduko du bere baliabideak erabiliz.
Hitzarmena sinatu duen Txema Gisasola Fagor Taldeko zuzendari nagusiaren arabera, "sukaldaritzako profesionalengandik eta honelako ikerkuntza-zentroetatik hurbil egonda, sektorean dauden premiak detektatuko ditugu eta, horietan oinarrituta, irtenbideak garatuko ditugu, etxetresna elektriko berriak eta produktu mota berriak sortzeko. Horiek onuragarriak izango dira azken erabiltzailearentzat, zalantzarik gabe."
Europako bigarren fakultatea
Mondragon Unibertsitatea buruzagi duen BCulinary proiektua, Europako bigarren Gastronomia Zientzietako fakultatea izango da 2011n. Horrez gain, gastronomiaren eta elikagai-zientziaren alorreko Ikerkuntza eta Berrikuntza Zentroa edukiko du. Zentroaren helburua gastronomia-zientzietako arloetan I+Garen nazioarteko erreferentzia-gunea izatea da.
Zentroaren ikerkuntza-arloak honako hauek izango dira: elikagaien erantzukizun soziala; osasun eta ongizatea; elikagaiak landu, kontserbatu eta aurkeztea; garapen teknologikoa; jatetxe-sektoreko kudeaketa; eta elikadura-hezkuntza eta -ohitura osasungarriak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak