Ezker Abertzalea hasi da herri plataformak eratu ahal izateko sinadurak batzen

Arrasaten eta Bergaran hilaren 10ean ekin zioten sinadurak biltzeari; Eskoriatzan hilaren 16an eta 17an egingo dute; eta Oñatiko eta Leintz Gatzagako udaletxeetan ekimen horren inguruko informaziorik ez dutela adierazi ziguten eurekin harremanetan jarri ginenean.

Udal eta Foru Hauteskundeetan plataforma horiek aurkeztu ahal izateko, 30.000 sinadura bildu beharko dituzte Gipuzkoan, Bizkaian, Araban eta Nafarroan.

Lortu beharreko sinadura kopurua herriaren tamainaren araberakoa izango da: 5.000 biztanle baino gutxiago dituztenetan, 50; eta 10.000 eta 50.000 bitarte dituztenetan, 500.

Debagoieneko herri gehienetan udaletxetan egingo dituzte sinadura bilketak eta Arrasateren kasuan BAZen. Edonola ere, notaritzan ere aurkeztu daiteke hautes-elkarteen aldeko sinadura.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.