Goizeko 11etarako antxoa barik gelditu dira Bergarako Kabutzia arrandegian. Zortzi euro eta 90 xentimoan zuten kiloa, eta ondo saldu dute. Ez zen kautari itsasokoa. Badira bost urte espeziearen biomasa nahikoa ez dela-eta Europako Batzordeak kostera debekatu zuela. Debekua, gutxienez, urte amaierara arte mantenduko dutela jakinarazi dute gaur.
Erabakiak bere eragina ere izango du gurean. Antxoa kontsumitzaile onak omen gara hemen.
Cadiz aldekoak harrera ona
Bertakorik ez dagoenean, beraz, kanpokoarekin konformatu behar. Cadiz aldetik ekartzen dute antxoa Kabutzia arrandegiko
Iñaki Acedok eta Arantzazu Arantzabalek. "Ez du Kantauriko antxoaren
zapore berdina, baina nahiko antzekoa da. Cadiz aldean ere itsasoa
gogorra dute eta antxoa ez da Mediterraniokoa beste biguna. Ondo saltzen
dugu", adierazi du Arantzazu Arantzabalek.
Gaur goizean bezero bat baino gehiago antxoa barik gelditu da Bergaran. Horrelakoen aurrean, sasoi honetan, Arantzabalek eta Acedok hegaluzea proposatu digute. "Kostera garaia da. Kalitatea onekoa eta prezio onean aurkituko duzue", adierazi digu Acedok. Aurreko astean ia 17 eurotan zegoen kiloa. Gaur 13 euro eta 80 xentimotan dago. Kiloa 3 euro merkeago.
Debekua gutxienez urte amaierara bitartean mantenduko dela aurreratu dute, gainera.