Hezkuntzan euskararen garapena oztopatzea leporatu diete administrazioei

Ikasle, irakasle, guraso eta herritar talde batek deituta, Debagoieneko ikasle, irakasle, guraso, langile eta elkarte batzuetako ordezkariak Bergaran batu ziren atzo. Hezkuntzaren alorrean euskararen garapena bultzatzeko lanean ari direnei euren babesa emateko eta zapaturako Donostian deituta dagoen manifestazioarekin bat egiteko. Hain zuzen, manifestazio bera babesten duen agiria hezkuntza zein kultura mailako 100 bat ordezkarik sinatu zuten, ehunka lagunen atxikimenduarekin batera eta baita gehiengo sindikalaren babesa ere (ELA, LAB, STEE).