Euskara ikasten, bideokonferentzia erabilita

Azaroa ezkero, hamabostean behin Asier Irizar euskara irakasleak hitzordua izaten du Ainhoa Azarloza eta Amaia Belokirekin, teknikariak biak Euskadiren Ordezkaritzan, Bruselan. Eskola presentzialak bideokonferentzia bidez egiten dituzte, Asier Eskoriatzan dagoela, HUHEZI fakultatean, eta beste biak Bruselan.

Ainhoa eta Amaia laugarren hizkuntza eskakizuna ikasten ari dira, eta IVAPekin egindako hitzarmen bati esker, HUHEZIrekin egiten ari dira ikasketa horiek. Fakultatearen on-line plataforma erabiltzen dute materialak eta moduluak eskuratzeko, eta bideokonferentzia irakaslearekin hitz egiteko.

Baliabideak

Bideokonferentzia egiteko gauza gutxi erabiltzen dute:

  • Skype programa. Horri esker, doan hitz egin eta artxiboak trukatzen dituzte momentuan bertan.
  • Webcam bat, alegia, bideo kamera txiki bat sarerako.
  • Aurikularrak eta mikrofono bat.

Esperientzia hau aurten hasi da, eta bai irakaslea zein ikasleak oso pozik daude emaitzekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.