Euskadiko Kutxak 185 milioi euroren irabaziak izan ditu 2007an

2007a urte oparoa izan da Euskadiko Kutxarendako: 185 milioi euroren irabaziak izan ditu, 2006an izandakoak baino %19,7 handiagoak. MCCko aurrezki kutxa nagusiak, gainera, 17 sukurtsal berri zabaldu ditu amaitu berri den urtean.

Aurrezki kutxak emandako kredituen zenbatekoa hazi da batik bat. 14.982 milioi euro eman ditu mailegutan Euskadiko Kutxak 2007an, 2006an baino %16 gehiago. Etxeko ekonomien hipoteka maileguak apaldu egin dira 2007an %16ko hazkundea izan dute eta. Hedapen Sarearen bilakaera, berriz, emankorra izan da. Aurrezki kutxaren hazkundeari %37a eman dio.

Gainerako irabaziak emandako kreditu pertsonalek sortu dituzte. 2006arekin alderatuz %6 hazi dira. Enpresa eta merkataritza kredituak eta leasing-ak eragindako irabaziak, berriz, %15 hazi dira. Kudeatutako negozioren bolumena, berriz, 30.877koa izan da, 2006an baino %14,2 handiagoa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.