Euskadiko Kutxatik prentsa oharrean helarazitako informazioaren arabera, jakin gabe bonuetako diru horretatik zenbat errekuperatuko duten, dagoeneko kutxak berak ipini du 40,7 milioi euro, badaezpadakoari aurre egiteko.
Zati bat, errekuperatu
Edozelan ere, Juan Cidek, Euskadiko Kutxako Komunikazio Zuzendariak aditzera eman du diru horretatik zati bat errekuperatu egingo dutela. Izan ere, Moodys agentziak egindako txosten batek erakusten du azken 20 urteotan Ameriketako Estatu Batuetan antzerako egoera izan deneko kasuetan, diruaren %69,7 errekuperatu izan dutela, batez beste.
Egoera sendoa
Horrez gainera, Euskadiko Kutxaren egoera "sendoa" dela nabarmendu du kutxako Komunikazio Zuzendariak, "errentagarritasunari eta kaudimenari lotutako oinarrizko parametroetan".
Bestelako datuen artean, nabarmendu dute Arrasateko kutxak "likidezia-soberakinak" dituela eta "mailegu-emailea" dela, banku arteko merkatuan. Eta gaineratu dute 2008 eta 2009an ez dutela ez "likidezia osagarririk erabiltzeko" eta ezta "Europako Banku Zentralera jotzeko beharrik" izango.
Datu bat ere eman dute: 2007an Espainiako Finantza Entitateen artean zortzigarren lekuan kokatu zen Euskadiko Kutxa.