Eusko Jaurlaritzaren kultura sailaren gazteri zuzendaritzak eta Etxebizitza eta Gizarte gaietarako sailaren garapen lankidetzarako zuzendaritzak bultzatzen du egitasmoa, hirugarren munduan egiten diren ekintzen kudeaketa bertako gobernuz kanpokoko erakundeen mende geratzen delarik.
Izen-ematea
Izena emateko Eusko Jaurlaritzak Gasteiz, Bilbo zein Donostian dituen ordezkaritzetara joan behar da. Behin epea bukatuta, aurre-hautaketa bat egingo dute hainbat irizpide jarraituz:
- titulazio akademikoa,
- garapenerako lankidetzarekin aurretik izandako harremana,
- gobernuz kanpoko erakunde bateko kide izatea edota
- gazte elkarte zein helburu sozialeko erakunderen batekin lanean aritu izana.
Informazio eta orientazio aldia
Maiatzaren 11n jakingo da aurre-hautatuen zerrenda, eta ondoren, informazio eta orientazio aldian parte hartu beharko dute hautatuek:
Araban, Barriako aterpetxean maiatzeko azken bi asteburutan izango dira horretarako prestatutako topaketak, eta ondoren emango dute jakitera egitasmoan zeintzuk parte hartuko duten.
Hiru hilabeteko egonaldia
Hirugarren munduan egonaldiak hiru hilabetekoak izango dira, uztailetik urrira bitartekoak: Eusko Jaurlaritza arduratuko da gazte lankideen bidai eta aseguru gastuetaz, garapen programaren ardura daraman gobernuz kanpoko erakundea, aldiz, mantenuaz eta ostatu emateaz.
1993an programa martxan jarri zenetk, 1.196 gaztek hartu dute parte programa honetan, eta garapen egitasmo gehienak Amerikan lantzen badira ere, Asia zein Afrikan ere badaude hainbat proiektu.