Eurite indartsuak gaur eta bihar

Goiatz Arana Begiristain 2008ko ekainaren 9a

SOS Deiak Larrialdiak Koordinatzeko Zentroak ohartarazi du gaur, astelehena, eta bihar, martitzena, eurite indartsuak izango direla, batez ere, Bizkaian eta Gipuzkoan: metro koadroko, 60 litro ur botatzera iritsi daiteke. Ildo beretik, Herrizaingo Sailak jakinarazi du, azken euriteen ondorioz, ibaien emariak handituta doazela eta arretaz zainduko dituela, beharrezkoa baldin bada, Larrialdietarako Plana abian jartzeko.

Hainbat gomendio ere helarazi ditu:

irrati edo telebista bidez, unean uneko egoera ezagutzea
ezinbestekoa ez bada, autoz ibiltzea saihestea
errepideko mendi eremuetan izan daitezkeen lur-jausiak kontuan hartzea
ahal den kasuetan, errepide nagusietatik zirkulatzea
autoak ibai ertzetan ez uztea

Larrialdi kasuetarako telefono zenbakia: 112.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.

Harpidetza aukera guztiak