Guztira, ia 3.000 salerosketa izan dira aurtengo urtarrilean Hego Euskal Herrian, iazko urtarrilean baino ia 1.100 gutxiago. Datu horiek erakusten dute, etxebizitzen salerosketa %26,5 jaitsi dela aurtengo urtarrilean, hilabete berdineko iazko datuekin alderatuz. Hego Euskal Herriko lau probintzietan gertatu da jaitsiera baina gehien igarri duten probintziak izan dira Gipuzkoa eta Nafarroa. Bietan, %35etik gora jaitsi da etxebizitzen salerosketa. Jaitsiera honen arrazoiak ugari izan daitezke.
Higiezinen krisia
Joan den urteko azaroan hasi ziren inmobiliariatan
krisia igartzen. Eta egun, kezka sortzen die, izan ere, euren
aktibitatea, alokairuaz gain, etxebizitzen salerosketan oinarritzen da.
Aipatu behar da, etxebizitzen
salerosketen jaitsiera orokorra da alor guztietan. Babes ofizialeko
zein ohiko merkatuko etxebizitzen salerosketen kopurua antzera jaitsi
da.
Eta jaitsiera honekin lotuta, etxebizitza erosteko
hipoteken kopuruak ere behera egin du. 2008ko urtarrilean, 4.250
hipoteka kontratatu dira Hego Euskal Herrian, iaz baino 1.000 gutxiago.