Espainiar Estatuko datuak begiratuta, azken 60 urteetan etxebizitzen prezioak gora egin duela ikus daiteke. 1999 eta 2007 urte arteko gorakada, gainera, izugarria izan zen. Hortaz, gaur egungo egoera inoiz ezagutu ez bezalakoa dela esan daiteke.
2007an puntu gorena
1990. urtean, bataz beste, 120.000 pezeta pasatxo balio zuen metro
karratuak Debagoienean. 2.000. urtean, ia 300.000 pezetatan zegoen
metro karratua. Esan behar da puntu gorena 2007an izan zela; orduan,
metro karratuak ia 3.500 euro balio zituen, pezetetan, 560.000 pezeta.
Ordutik baina, etxebizitzen prezioa behera etorri da. Gaur egun, 2.500 eurotan dago metro karratua Debagoienean; hau da, 430.000 pezetatan.
Merkatu txikia
Datuok Jesus Markaide Deba Garaia etxe-agentziakoak eman dizkigu. Dio
datuak aztertzerako orduan kontuz ibili behar dela, izan ere, Debagoiena merkatu txikia da eta ondorioak atera ahal izateko mugimendu
gutxi dago.
Bestalde, etxebizitzen salerosketen mugimenduak behera egin du; horregatik, datu fidagarriak ateratzea zaila dela dio.
Salerosketak
Baina Markaidek dio, azkenaldian egin diren salerosketa gutxien datuak
kontuan hartuta, 2007arekiko alderatuta %30 jaitsi dela etxebizitzen prezioa.
Gaineratu du, azken hilabeteetan eskaera mantendu egin dela; batez ere, interes tipoak behera egin duelako.
Errentagarritasuna
Eta inbertsio fondoek jasan duten kalteak ikusita, Markaidek dio balitekeela ondorengo hilabeteetan jendeak berriro ere eraikuntza sektorean bilatzea errentagarritasuna.