Eusko Jaurlaritzako Etxebizitza eta Gizarte Gaietako Sailak eskutitz bat bidaliko die eskabidea berritu behar dutenei, bete beharreko berrikuntza idatziarekin. Eskabide hori iristen ez bada, Sail horren lurralde ordezkaritzetan eta Interneten aurkituko du idatzia interesatuak, www.etxebide.info web gunera sartuta.
Datu pertsonalak, etxebitza-eskariaren esperiente-zenbakia eta etxebizitzaren etorkizuneko titular guztien sinadura bete ostean, lurralde ordezkaritzetan aurkeztu beharko da eskabide hori.
Posta bidez ere bidal daiteke berrikuntza idatzia. Correoseko egoitzera joan beharra dago, gutun-azala zabalik dagoela. Han idazki horren kopia bat emango zaio-interesatuari, sarrera datarekin. Ondoren, gutun ziurtatua lurralde ordezkaritzara bidaliko da.
Interesa adierazten ez duena Etxebidetik kanpo geratuko dela eta beraz, babes ofizialeko etxebizitzen zozketetan ezin izango duela parte hartu ohartarazi du Etxebizitza Sailak.