Hilaren 20an hasi eta domekara bitartean egongo da zabalik turismoari
eskainitako Fitur azoka. Krisiari aurre eginez iazko erakustoki kopuru
bera egongo dela iragarri dute, hau da, 170 herrialdetako 11.000
enpresen ordezkaritzak. Tartean Eusko Jaurlaritzarena egongo da eta
bertan Ernesto Murgiondo, Oñatiko turismo zinegotzia eta Ana Heriz
Mankomunitateko turismo teknikaria izango dira Debagoienaren berri
ematen: Arrikrutzeko kobak, Arantzazu…
Ekitaldia eguaztenean
Azoka aprobetxatuta ICTE erakundeak –Turismo Kalitatearen Espainiako Erakundea– sariak banatuko dizkie turismoaren alorrean lan egin eta iaz Q kalitatea eskuratutako hainbati. Hain zuzen Oñatiko Etxe Aundi jatetxeak jasoko du sari hori eguaztenean egingo duten ekitaldian.